Aing Tangerang jang saha???
Di artikel iyeu urang dek nulis na pull (maklum sunda teu bisa pake F) make Sunda Tangerang.
Kenakeun bae mun aya nu teu ngarti, atuh yah tinggal tanya bae naon artina ka babaturan atawa dulur didinya nu urang Sunda Tangerang, sabab nu urang Sunda Priangan geh lieur mun maca tulisan urang Sunda Tangerang mah hehehee…
Perkenalkeun nama urang Muhamad Nur, S.S. atawa biasa dipanggil Kang Udel, Gelar S.S eta lain Sarjana Sunda nyah, obong-obong ngurusan pelestarian bahasa Sunda gelar na Sarjana Sunda ceunah, eta S.S tea Sarjana Sastra ngan Sastra na Satra Inggris, (nyak urang kuliah na nyokot Sastra Inggris, kaseseret eta geh awalna mah) tapi yah alhamdulillah jadi nyaho ka dunia per Sastraan jeung bisa ngomong kos urang bule kitu tah….
Geus perkenalan na nyah kuari bahas sesuai judul, judul na naon sih, ohh heeh pohoan, judulna eta “Aing Tangerang jang saha???” kunaon urang milih judul na kitu, ya atuh hayang make judul eta bae emang teu meunang? Dihh kok sia heras? (make gaya budak Sunda Tangerang mun keur adu omong hehehe..)
Balik deui ka pembahasan, keur eta babaturan urang sebut bae si Tile (Ngaran na ku urang samarkeun soalna besing leuwih terkenal katimbang urang) keur ngopi dihareupen imah urang sembari dibaturan ku kulub dangdeur si Tile nanya ka urang, kieu yeuh :
“ Del, sia nyieun Aing Tangerang jang naon sih?”
Laju ku urang jawab : “kieu le awalna, aing sok sedih mun aya jalema nu ngomong Tangerang eta teu boga budaya, teu boga identitas, Betawi lain, Sunda lain, Jawa lain kitu ceunah, terus akhirna daek teu daek aing balajar tentang kabudayaan jeung identitas Tangerang, Horengan Tangerang eta jauh leuwih keren katimbang daerah-daerah lain, kunaon? Sebab warga asli Tangerang eta beragam, aya Betawi, Aya Jawa, Aya Sunda, encan pendatang na nu datang ti berbagai daerah. Jadi justru eta identitas Tangerang sebagai daerah nu beragam, leuwih kaya budaya katimbang daerah lain”.
“Tapi, kunaon loba jalema nu teu nyaho tentang kaberagaman budaya nu aya di Tangerang?” Si Tile nimpahan pertayaan deui ka urang.
“nah iyeu kelemahanna le, emang bener Tangerang eta beragam budayana tapi ti warga aslina masih kurang kuat ngapromosikeun jeung ngalestarikeun kabudayaan anu aya sahingga loba jalema diluar nu teu nyaho ka kaberagaman nu aya di Tangerang”.
Mantas nyurumput kopi urang ngalanjutkeun jawaban, “contohna bae yeuh Sunda Tangerang, kabudayaan asli urang le, anu bahasa na sapopoe urang pake, kuari geus mulai ditinggalkeun le, loba barudak leutik kuari nu geus teu ngarti bahkan teu nyaho ka bahasa asli Sunda Tangerang, komo ka budayana mah geus loba nu teu nyaho, pangaruh na macem-macem, mulai ti kolot na nu teu ngajaran walaupun kolot na oge urang Sunda Tangerang teuing kunaon tah teu daek ngajaran, terus pemuda na kuari mah ararisin mun ngomong Sunda ceunah, dianggap na bahasa Sunda bahasa Kampung, nu mantak mun geus nongkrong di KAEFCE bae geus mbung eta ngomong pake bahasa Sunda Tangerang, encan opini ti luar nu nyebutkeun Sunda Tangerang mah ceunah Sunda na Kasar, yeuh dengekeun, dek disebut Kasar, dek disebut naon ke, atuh iyeu mah emang bahasa urang kaayaana kieu, bahasa nu diwariskeun ti kokolot bahela emang kos kieu, sabab emang bahasa Sunda Tangerang mah teu kapangaruh ku unduk basa laju emang bahasa mah teu bisa dibanding2 keun, kitu tah le”
“heeh bener oge nyah del, laju kumaha del carana supaya kaberagaman budaya nu aya di Tangerang bisa dikenal?” Si Tile nanya deui nambah panasaran, katempoan ti beunget na…
“carana sabenerna gampang le, urang teu kudu pusing-pusing nyieun kabudayaan khas Tangerang nu anyar, kos nyieun tarian na naon, alat musik na naon, jeung sajenisna, padahal mun hayang kabaragaman budaya di Tangerang eta dikenal, yah urang tinggal gali deui bae hal-hal nu aya disatiap kabudayaan warga asli Tangerang, jadi nu urang Betawi hayu lestarikeun Betawi khas Tangerang na, nu urang jawa daerah pesisir Tangerang hayu lestarikeun Jawa khas Tangerang na, jeung urang geh sabagai pemuda Sunda Tangerang na hayuu urang babarengan ngalestarikeun budaya jeung bahasa Sunda Tangerang, nah mun kitu kan ngeunah jadina, ke jalma luar geh bisa nyaho ka kaberagaman budaya nu aya di Tangerang.
“Heeh del, ngarti aing kuari… pertanyaan terakhir del, laju Aing Tangerang eta Jang saha? Apa jang ngeunalkeun budaya jeung bahasa Sunda Tangerang ka umum atawa jang pamerentah atawa jang saha del? Si Tile mere pertanyaan terakhir ceunah mah.
“Aing Tangerang jang saha??? Aing Tangerang eta jang kabehan le, Aing Tangerang eta dijieun lain jang kapentingan pribadi tapi jang kabehan, Aing Tangerang sabagai media kreatif pamuda nu ngalestarikeun budaya jeung bahasa Sunda Tangerang bisa oge memotivasi pemuda nu ti Betawi Tangerang jeung Jawa Tangerang supaya bisa babarengan ngalestarikeun kabudayaan warga asli Tangerang, Aing Tangerang oge bisa ngabantu pamarentah dalam hal pelestarian kabudayaan lokal, Aing Tangerang oge bisa sebagai wadah jang warga Sunda Tangerang diberbagai bidang, contohna dalam usaha mikro atawa usaha kreatif lainna, Aing Tangerang oge bisa jadi media anu ngenalkeun kaunikan bahasa Sunda Tangerang.” Urang ngajawab na bari samangat jasa.
Bari nga-gayeum kulub dangdeur anu peulem jasa urang nambahan deui “Nu mantak di Aing Tangerang dijieun program-program usaha, contohna nu geus jalan, usaha merchandise Sunda Tangerang, salain bisa ngeunalkeun kata-kata Sunda Tangerang melalui Kaos, Topi, Pin, Stiker, Jeung nu laiina, urang oge bisa meunang kauntungan jeung Alhamdulillah kauntungana lain dipake jang pribadi tapi jang ngabiayaan program-program pelestarian Sunda Tangerang, sabab Alhamdulillah di Aing Tangerang mah eweuh donator atawa badan usaha baik swasta atawa pamarentah anu ngabiayaan ssttt *Kode keras hehehehe…. Kahareupna oge bakal aya Waroeng Aing Tangerang eta bakal jadi wadah promosi jeung penjualan jang produk-produk lokal, kitu tah le”
“Heeh del geus kaharti kabeh ku aing naon maksud sia, hayu atuh lah urang babarengan ngajalankeun program-program Aing Tangerang” Si Tile nutup make kalimat memotivasi hehehee…
Berhubung kopi geus mulai saat jeung kulub dangdeur geus ludes beak kabeh akhirna perbincangan di harita di tutup.
Aya pesen nu urang dek sampekeun ka kabeh pemuda Sunda Tangerang khususna, bangga lah ka bahasa asli daerah sorangan, hayu nu boga kaahlian di media kreatif, design, editor, wirausaha, hayu babarengan merapat ka Aing Tangerang, urang tunjukeun bahwa Pamuda Sunda Tangerang eta aya jeung boga kabisa, hayu urang tuangkeun ide jeung pikiran urang jeung program-program Aing Tangerang kahareupna.
Tangerang, April 2018
Muhamad Nur, S.S (Kang Udel)
Salam Sunda Tangerang,
